Хамгийн сүүлд нэмэгдсэн нийтлэл:
  • 2017 оны 7 сарын 18
    ... Маргааш өглөө нь би босоод би ойр зуур хэрэглээний эд зүйлсээ хуучин хүрэн чемодандаа чихэж аваад автобусанд сууж галт тэрэгний вокзал дээр ирлээ. Тэгэхэд намар 8-р сард тэнд тун их хөл хөдөлгөөнтэй байдаг байсан юм. Гадаадад сургуульд суралцдаг оюутан сурагчид буцах энэ үеэр нэг жижигхэн сумын наадмын дайны хиртэй юм тэнд болдог байсан. Өдөр бүр л ийм явдал болдог байв. Бужигнасан олон хүмүүсийн дундуур би бараг хоосон том хүрэн чемоданаа бариад зүтгэсээр зүтгэсээр арай гэж өөрийн суух билеттэй, тэр тасалгаат купендээ орж суулаа. Тиймээ тэгэхэд тэр нэг жижигхэн тасалгаат купенд би гав ганцаараа сууж байсан юм. Би 2 гараараа толгойгоо тэврэн өвдөгөө тохойлоод сууж байлаа. Доошоо тонгойгоод юм бодоод би удаан суусан...
    Цааш унших ...
    Уншсан 31934 Сэтгэгдэл 0
  • 2017 оны 5 сарын 30
    Хулан тэр бүсгүй ихэвчлэн нимгэн цайвар цагаан цамц эсхүл жижигхэн олон цэцэгтэй цагаан шаргал өнгийн ноосон цамц, цэнхэр хөх өнгийн джинсэн өмд өмсөнө. Тэр юунд ч санаа зовохгүй амьдардаг ба түүний эцэг эх, эгч гэр бүл нь түүний төлөө юугаа ч зориулахад бэлэн байдаг байсан байх. Би ингэж бодно. Тэр юуг ч хийхгүй бас юунд ч санаа зовохгүй яг над шиг ажээ. Тэр өглөө босоод ажилдаа яваад... орой гэртээ ирнэ. Тэр өөр бараг хаашаа ч явахгүй бөгөөд харин хааяа заримдаа цаг гаргаад надтай уулзаж ярилцаж зугаалах дуртай байсан. Би ингэж бодож байна. Тэр миний ирж явахыг олж хараад хүүхэд адил баярлана. Тэр миний царай нүүр лүү том алаг нүдээрээ эгц ширтэн харж байгаад л ямар юм? Юу болж өнгөрсөн тухай хөөрөн ярина.
    Цааш унших ...
    Уншсан 57127 Сэтгэгдэл 0
  • 2017 оны 4 сарын 20
    ...Улсын баяр наадмын дараахан, тэр өдөр... Бямба гараг байлаа. Би өглөө эртлэн босоод үдийн алдад Нисэх тосгонд ирэв. Бүлээхэн чийглэг зөөлхөн салхи үлээж, тэнгэр цэнхэртэн дуниартана. Богд уулын хөндийд үдийн наран гийж, шүүдэрт угаагдаж норсон өвс ногоо нарны туяанд сэргээд, гялтганан солонгорч өнгө өнгийн гэрэл цацруулна. Шувууд жиргэнэ. Зуны дунд сарын ийм нэгэн сайхан өглөө байсан. Дур булаам өнгөлөг сайхан өглөө байсан юм.
    Цааш унших ...
    Уншсан 34734 Сэтгэгдэл 0
  • 2017 оны 4 сарын 14
    Олон жилийн өмнө энэ явдал болсон билээ.

    Тиймээ... Тэгэхэд би Украйнд уул уурхайн их сургуульд сурдаг оюутан байсан юм. Би оюутны зуны амралтаараа эх орондоо ирсэн байлаа.
    Цааш унших ...
    Уншсан 39809 Сэтгэгдэл 0
Нийтлэлийн архив